PINAKAKAWAWA ANG MGA DH SA TAIWAN Ni Armida Rico at ng AFP, JOurnal

PINAKAKAWAWA ANG MGA DH SA TAIWAN

Ni Armida Rico at ng AFP

Share on gmailShare on twitterShare on facebookShare on emailMore Sharing Services3

TOP STORIES PINAKAKAWAWA ANG MGA DH SA TAIWAN Taiwanese team: Malinaw na 'murder'; De Lima: Magdahan-dahan kayo! Buong 12 proklamado na Taiwan naglatag ng 4 na demand Sa pagnipis ng Gloria allies: UNA vs Lakas sa House minority BI, NBI kinalampag sa naka-wig na Mancao   Takot at pangamba pa rin ang nararamdaman ng mga overseas Filipino workers (OFWs) na nagtatrabaho sa bansang Taiwan. Sa isang pahayag ni Catherine Saberon na taga-GenSan na nagtatrabaho sa electronics company sa Taiwan, sa isang himpilan ng radyo, sinabi nitong nagmimistula silang bilanggo sa nasabing bansa. Sinabi ni Saberon, na hindi sila makalabas sa kanilang pinagtatrabahuhan at sa dormitory nila bunsod ng takot at aniya na baka sila ang mapagbalingan ng galit ng ilang mga Taiwanese. Aniya, noon, maganda at mabango para sa mga Taiwanese ang mga Pili­pino at nagkakasundo pero simula nang maganap ang pamamaril sa kanilang kababayan ay nag-iba na ang ugali ng mga ito. "Mas kawawa ang mga nagtatrabaho sa bahay kagaya ng mga domestic helper at caregiver dahil kontrolado ng kanilang amo at hindi sila pinalalabas ng bahay na hindi natin alam kung ano na ang nagyayari sa kanila," ani Saberon. Sinabi pa ni Saberon na mas malala ang protestang nangyayari ngayon sa Kaesong na lugar ng mangingisdang Taiwanese na si Hung Shih-cheng na napatay ng mga tauhan ng Philippine Coast Guard (PCG), dahil galit na galit ang mga naninirahan doon sa mga Pinoy. Kuwento pa ng nasabing OFW, na mayroon siyang kababayan doon na may nakabanggaang motorsiklo at nasa malubhang kalagayan at hindi niya alam kung saan isinugod na pagamutan ito dahil lamang sa nasabing isyu. Sinabi pa nito na sa kanyang narininig na kuwento roon, na hindi titigil na manggugulo at mananakit ang mga Taiwanese hanggang hindi nabibigyan ng katarungan ang pagkamatay ng kanilang kababayan. Dahil dito nanawagan naman si Saberon sa mga matataas na opisyal ng embahada ng Pilipinas at kay Pangulong Benigno 'Noynoy' Aquino III na bigyan sila ng sapat na seguridad sa kanilang kina­roroonan upang maging ligtas ang kanilang buhay. Idinagdag pa ng OFW na pinagbawalan din silang makabili ng pagkain sa palengke at sa mga restaurant. "Kapag ganyan sila at hindi kami pabibili ng pagkain magugutom kaming lahat dito at hanggang kailan kami hindi lalabas ng bahay," dagdag pa ni Saberon.   Hindi rin sila pinasasa­kay sa mga pampublikong sasakyan kaya ang ginagawa ng ibang kababayan ay itinatanggi nila na sila ay Pinoy. Aniya, ­nagpapasalamat naman sila sa ilang mga Taiwanese na kasama sa trabaho na sila ang luma­labas at bumibili ng pagkain para sa mga Filipino roon. Kahapon ay muling siniguro ng Taiwanese leadership na poprotektahan nito ang mga Filipinong tinatarget ngayon ng 'hate crime'. Umapela na rin si Taiwan President Ma Ying-jeou sa kanyang mga kababayan na magpakahinahon at huwag gumawa ng emosyunal na hakbang kaugnay ng pagkakapaslang sa 65-anyos na Taiwanese fisher­man sa Philippine water. "We will continue negotiating the issue with the Philippines and I hope everyone can calmly and peacefully resolve the ­issue to avoid hurting bilateral ties," pahayag ni Ma kahapon. Kahapon ay umapela si Vice President Jejomar Binay sa Taiwan authorities na siguruhin ang kaligtasan ng mga Pinoy ­worker sa gitna ng mga ulat ng harassment at diskriminasyon laban sa mga ito. "We are appealing to the Taiwanese people to spare our overseas Filipino workers from conflict," ani Binay. Sa panig naman ng Malacañang, "We've seen reports that their leaders have assured the safety of our people there. We expect them to act on these reports (of attacks)," pahayag naman ni deputy presidential spokesperson Abigail Valte. Kaugnay nito, bumuo na ng task force ang Manila Economic and Cultu­ral Office (MECO) sa Taiwan para tutukan at dokumentuhan ang mga reklamo ng harassment, pagmamaltrato, pananakit at diskri­minasyon ng mga Taiwa­nese laban sa mga Filipino. Ang task force ay pamumunuan ni MECO director Atty. Mario Molina. Ang bawat kumpirmadong ulat ng 'hate crime' ay agad umanong ipararating sa Ministry of Foreign Affairs ng Taiwan.